မေတ္တာသုတ် 

၁။ ယဿာနုဘာဝတော ယက္ခာ၊ နေဝ ဒဿေန္တိ ဘီသနံ။ ယဉှိ စေဝါ နုယုဉ္ဇန္တော၊ ရတ္တိန္ဒိဝ မတန္ဒိတော။ 

မေတ္တာသုတ် ပရိတ်တော်၏ တန်ခိုးရှိန်စော်အာနုဘော်ကြောင်.ကြမ်းတမ်းခက်ထန်သော ဘီလူး,သရဲစသော နာနာဘာဝတို့သည်မခြောက်လှန်ု.နိုင်ကြကုန် ယင်းသုတ်ကိုနေ့ညမပြတ်ရွတ်ဖတသရဇ္ဈယ်သော သူသည်

၂။ သုခံ သုပတိ သုတ္တော စ၊ ပါပံ ကိဉ္စိ န ပဿတိ။ ဧဝမာဒိ ဂုဏူပေတံ။ ပရိတ္တံ တံ ဘဏာမ ဟေ။ 

ချမ်းသာစွာအိပ်ပျော်ခြင်း အိပ်နေစဉ်လည်း အိပ်မက်ဆိုးများမမြင်မက်ခြင်းစသောအကျိုးဂုဏ်များရှိသောကြောင့် အိုသူတော်ကောင်းတို့ ငါတို့ရွတ်ဆိုပူဇော်ကြပါစို့။ 

၃။ ကရဏီယ မတ္ထကုသလေန၊ ယန္တ သန္တံ ပဒံ အဘိသမေစ္စ။ သက္ကော ဥဇူ စ သုဟုဇူ စ၊ သုဝစော စဿ မုဒု အနတိမာနီ။ 

အကျိုးစီးပွားလိုလား ၍ လိမ္မာကျွမ်းကျင်သောအမျိုးကောင်းသား အမျိုးကောင်းသမီး တို့သည် ငြိမ်သက် သက်အေးချမ်းသောနိဗ္ဗာန်၏ဂုဏ်တို့ကို အာရုံပြုကာယခုကဲ့သို့မေတ္တာပွားမှုကိုပြုသင့်ပါပေ၏ ထိုသို့မေတ္တာပွားလိုသူသည်တစိုက်မတ်မတ်စွမ်းနိုင်အောင်ပွားများအပ်ပါပေ၏ ကိုယ်စိတ်နှစ်ပါးရိုးသားဖြောင့်သူဖြစ်သင့်၏ အလွန်ရိုးဖြောငိ့သူဖြစ်သင့်၏ ဆုံးမလွယ်သူ သူတစ်ပါး ၏စကားကိုနာခံလွယ်သူဖြစ်ပြီးကိုယ်နှုတ်နှလုံးသိမ်မွေ့ကာ ကိုယ့်ကိုယ်ကိုအထင်ကြီးမာနလည်း မထားသင့်ပါပေ။ 

၄။ သန္တုဿကော စ သုဘရော စ၊ အပ္ပကိစ္စော စ သလ္လဟုကဝုတ္တိ။ သန္တိန္ဒြိယော စ နိပကော စ၊ အပ္ပဂဗ္ဘော ကုလေသွ န နုဂိဒ္ဓေါ။ 

စားသောက်စရာ နေစရာ အရာရာတို့တွင် ရှိသမျှဖြင့်တင်းတိမ်ရောင့်ရဲလွယ်သူဖြစ်သင့်၏ ကိုယ်ဝမ်းတခါးအတွက်လွယ်လင့်တကူပေါ့ပါးစွာအသက်မွေးနိုင်သူလည်းဖြစ်သင့်၏ အပို ဘာဟိက ကိစ္စနည်းပါနိုင်သလောက်ကျင့်သုံးသင့်၏ စိတ်သွားတိုင်းကိုယ်ပါနေသကဲ့သို့ဖြစ်သင့်၏ ထို့အပြင်သာမက မျက်စိနားနားစသော ဣန္ဒြေ ငါးပါးကိုထိန်းသိမ်းသူ တည်ငြိမ်ရင့်ကျက်သူ ဉာဏ်ပညာဖြင့်ချင့်ချိန်နိုင်သူလည်းဖြစ်သင့်၏ ကိုယ်နှင့်ဆက်စပ်သောသူအပေါ် ၌ လည်းတွယ်တာ ၍ မနေသင့်ပေ။ 

၅။ န စ ခုဒ္ဒ မာစရေ ကိဉ္စိ၊ ယေန ဝိညူ ပရေ ဥပ ဝဒေယျုံ။ သုခိနောဝ ခေမိနော ဟောန္တု၊ သဗ္ဗသတ္တာ ဘဝန္တု သုခိတတ္တာ။ 

ရှေးရှေးသောပညာရှိတို့ကဲ့ရဲ့သော မကောင်းမှုမှန်သမျှဘာတစ်ခုမှမပြုလုပ်ပါနှင့် သတ္တဝါအားလုံးတို့သည် ကိုယ်စိတ်နှစ်ဖြာဘေးရန်ကွာ ၍ ချမ်းသာကြပါစေသတည်း။ ဘေးရန်ကင်းကွာချမ်းသာစွာ နေနိုင်ကြပါစေကုန်သတည်း။ 

၆။ ယေ ကေစိ ပါဏဘူတတ္ထိ၊ တသာ ဝါ ထာဝရာဝ နဝသေသာ။ ဒီဃာ ဝါ ယေဝ မဟန္တာ၊ မဇ္ဈိမာ ရဿကာ အဏုကထူလာ။ 

ထွက်သက် ဝင်သက်အသက်ရှူနေကြသောသတ္တဝါမှန်သမျှ ကြောက်ရွံထိတ်လန့်တတ်ကြ ရဟန္တာမဖြစ်ကြသေးသော သတ္တဝါများ မကြောက်မရွံ တည်ငြိမ် ငြိမ်သက်ကြသော ရဟန္တာမထေမြတ်ကြီးများ ခန္တာကိုယ်ရှည်လျားသော သတ္တဝါ ခန္တာကိုယ် ကြီးမားသောသတ္တဝါ မရှည်မတို မကြီးမသေးအလယ်အလတိဖြစ်ကြသောသတ္တဝါများ ခန္တာကိုယ်ဆူဖြိုးသောသတ္တဝါ နောက်ဆုံးအနုမြူတမျှသေးငယ်သောသတ္တဝါတွေအပါအဝင်သတ္တဝါအားလုံးတို့သည်ဘေးရန်မရှိချမ်း သာ ပကတိရှိကြပါစေ။ 

၇။ ဒိဋ္ဌာ ဝါ ယေဝ အဒိဋ္ဌာ၊ ယေဝ ဒူရေ ဝသန္တိ အဝိဒူရေ။ ဘူတာဝ သမ္ဘဝေသီဝ၊ သဗ္ဗသတ္တာ ဘဝန္တု သုခိတတ္တာ။ 

မျက်စိဖြင့်မြင်နိုင်သောမြငိဖူးသောသတ္တဝါ မမြင်နိုင်သော မမြင် ဖူးသောသတ္တဝါ အကျွန်ုပ်အနီးမှာရှိနေသော အဝေးမှာရှိနေသော အနီးမဝေးမှာရှိနေသောသတ္တဝါများ နောက်ဘဝမဖြစ်ရတော့မည်. ရဟန္တာ စသောသူတော်ကောင်းများ နောက်ဘဝဖြစ်ရဦးမည့်ပုထုဇဉ် သစ်ခစသော သတ္တဝါများသည် ဘေးရန်ကင်းကွာချမ်းသာကြပါစေကုန်သတည်း။ 

၈။ န ပရော ပရံ နိကုဗ္ဗေထ၊ နာတိမညေထ ကတ္ထစိ န ကဉ္စိ။ ဗျာရောသနာ ပဋိဃသည၊ နာညမညဿ ဒုက္ခ မိစ္ဆေယျ။ 

တစ်ယောက်ယောက်က တစ်ယောက်ယောက်ကို တိရစ္ဆာန်တစ်ကောင်က တိရစ္ဆာန်တစ်ကောင်ကို ဘယ်လိုအကြောင်းကြောင့်မျှဘယ်နေရာမှာမဆို စဉ်းလဲကောက်ကျစ်မကောင်းကြံခြင်း မာန်မာနထောင်လွှားကာမထီမဲ့မြင်မပြုကြပါစေနှင့် ကိုယ်နှုတ်တို့ဖြင့်စော်ကားပုတ်ခတ်ခြင်း ဒေါသအာဂါဒ ဖြင့်အချင်းချင်း သူတစ်ပါးဒုက္ခရောက်သည်ကိုအလိုမရှိကြပါစေကုန်နှင့်။ 

၉။ မာတာ ယထာ နိယံပုတ္တ၊ မာယုသာ ဧကပုတ္တ မနုရက္ခေ။ ဧဝမ္ပိ သဗ္ဗဘူတေသု၊ မာနသံ ဘာဝယေ အပရိမာဏံ။ 

တစ်ဦးတည်းသော သားရှိသော မိခင်သည် မိမိသားအပေါ်ဘေးရန်မကျရောက်အောင် အသက်ပေးကာစောင့်ရှောက်သကဲ့သို့ အကျိုးကျေးဇူးများပြားလှသောမေတ္တာစိတ်ကို သတ္တဝါအားလုံးတို့အပေါ်တွင်ဖြန့်ကျက်နေနိုင်ကြပါစေ။ 

၁၀။ မေတ္တဉ္စ သဗ္ဗလောကသ္မိံ၊ မာနသံ ဘာဝယေ အပရိမာဏံ။ ဥဒ္ဓံ အဓော စ တိရိယဉ္စ၊ အသမ္ဗာဓံ အဝေရ မသပတ္တံ။ 

အထက်ဘဝဂ် အရူပဗြဟ္မာဘုံတိုင်အောင် အောက်အဝီစိ အပ္ပာယ်ဘုံတောင်အောင် အလယ်အလတ်လူ့ဘုံ နတ်ပြည်ခြောက်ထပ် ရူပ ဗြာဟ္မဘုံအပါအဝင် နေရာမလုပ်အကျိုးအနတ္တများပြားလှသောအတိုင်းအစပမာဏမရေတွက်နိုင်သောမေတ္တာစိတ်ကိုပွား များနိုင်ကြပါစေ အပိုင်းခြားလွတ်ကင်းကျဉ်းမြောင်းခြင်းမရှိ အတွင်းဘေးရန်လည်းမရှိ ပြင်ပရန်သူလည်းမရှိပဲ အေးချမ်းစွာနေနိုင်ကြပါစေသတည်း။ 

၁၁။ တိဋ္ဌံ စရံ နိသိန္နော ဝ၊ သယာနော ယာဝတာဿ ဝိတမိဒ္ဓေါ။ ဧတံ သတိံ အဓိဋ္ဌေယျ၊ ဗြဟ္မ မေတံ ဝိဟာရ မိဓ မာဟု။ 

ရပ်နေစဉ် လမ်းလျှောက်နေစဉ် ထိုင်နေစဉ် ခန္ဓာကိုယ်လဲလျောင်းနေစဉ် ဘယ်အချိန်မှာ မဆို စိတ် ပျံ့လွင့် လွင့်မှုကင်း ကြည်လင် ရွှင်ပျစွာဖြင့် မေတ္တာစိတ်နှင့်ယှဉ်သော သတိကိုထားနိုင်ကြပါစေ။ ထိုကဲ့သို့မေတ္တာစိတ်ဖြန့်ကြက်ကာနေခြင်းကိုပင် မြင့်မြတ်သော ဗြဟ္မာကြီးတို့၏နေထိုင်ခြင်း ဗြဟ္မဝိဟာရဟူ၍ရှေးပညာရှိအပါင်းတို့ဆိုခဲ့ကြပေပြီ။ 

၁၂။ ဒိဋ္ဌိဉ္စ အနုပဂ္ဂမ္မ၊ သီလဝါ ဒဿနေန သမ္ပန္နော။ ကာမေသု ဝိနယ ဂေဓံ၊ န ဟိ ဇာတုဂ္ဂဗ္ဘသေယျ ပုန ရေတိ။ 

အမြဲမပြတ်မေတ္တာ ဘာဝနာ ကမ္မဌာန်း စည်းဖြန်းလေ့ရှိသူသည် အယူလွဲမှားဖေါက်ပြန်သောဘဝကို မရောက်နိုင်တော့ပဲ လောကီ လောကုတ္တရာ သီလများနှင့်ပြည့်စုံပြီး မဂ္ဂဉာဏ် ဖိုဉာဏ်များကိုပင် မျက်မှောက်ပြုရတတ်သည် သက်ရှိ သက်မဲ့ ဝတ္ထု အာရုံ ကာမဂုဏ် ငါးပါးတို့၌ မက်မောတွယ်တာမှုများ ကင်းကွာကာနောင်တစ်ဖန် ပဋိသန္ဓေတည်ရခြင်း ဇာတိ ဒုက္ခ ကိုမခံစားရတော့ပေ။ 

                                                                    မေတ္တသုတ္တံ နိဋ္ဌိတံ။