ကိုယ့်ကိုကိုယ် နိမ့်ချပြီး ဆက်ဆံတာက မင်္ဂလာတစ်ပါးလို့ ခံယူတဲ့ အကျင့်နှင့် လူတိုင်းအပေါ် စိတ်ကောင်းထားတဲ့ အကျင့်ဟာ ကောင်းမွန်ပေမဲ့ .. ဒါကို သူတို့ဆက်ဆံလို့ရတဲ့ပုံစံလို့ မှတ်ယူလာတာကတော့ တကယ့်ပြဿနာပဲ ။လေးစားရကောင်းမှန်းမသိ ၊ တန်ဖိုးမထားပဲ မထီးမဲ့မြင် အပြုမူတွေကို သည်းမခံနိုင်တဲ့အချိန် ကိုယ့်ဘက်ကတုန့်ပြန်တော့မှ အမြဲတမ်းကောင်းခဲ့တဲ့အရာတွေက အငွေ့ပျံသွားပြီး ကိုယ့်အပြစ်လို ထင်ကြတော့တာပဲ။ဒါကြောင့် ကိုယ်က ဘယ်လောက်ပဲ လူကောင်းဖြစ်ပါစေ ကိုယ့်ကိုကိုယ် နိမ့်ချပြီး ဆက်ဆံတတ်ပါစေ ဘယ်သူမှ ကျော်ခွလို့ မရတဲ့ ကိုယ့် boundaries ကတော့ ကိုယ်တိုင် သတ်မှတ်ထားမှရပါမယ်။ဘယ်ဆက်ဆံရေးမှာမဆို ကိုယ်ပေးနိုင်တာထက်ပိုပြီးတောင်းဆိုမှုတွေ လုပ်လာရင် ငြင်းတတ်ဖို့ အမြဲတမ်း သဘောကောင်းသူကြီး လုပ်မနေဖို့ သတိထားရမယ် ။ အပြန်လှန်မရှိပဲ တစ်ဖက်စောင်းနင်း ဖြစ်နေတဲ့ ဆက်ဆံရေးတွေက ကိုယ့် role ကိုယ် ချနေသလိုပဲ ။ သဘောကောင်းလို့ ရတယ် အပေါစား ဖြစ်လို့မရဘူး။ကိုယ်ကြိုးစားထားတဲ့ နေရာ ကိုယ်တည်ဆောက်ထားတဲ့ သိက္ခာတို့နဲ့ တူညီတဲ့ တန်တဲ့ အတိုင်းတာ ၊ဩဇာမျိုးကတော့ ကိုယ်တိုင်အပြည့်ဝ လွှမ်းမိုးထားသင့်တယ် ။ ဒါဟာ အတ္တလည်း မဟုတ်ဘူး ၊ မာနလည်း မဟုတ်ဘူး ။ မိမိကိုယ်ကို လေးစားမှုရှိတာပဲ ဖြစ်တယ် ။ကိုယ့်အပေါ်ဆို သည်းခံသူ ၊ သူ့ကိုယ်သူ နိမ့်ချပြီးနေထိုင်သူကိုလည်း . ဒါဟာ ကိုယ်ဆက်ဆံလို့ရတဲ့ ပုံစံလို့ မသတ်မှတ်လိုက်နဲ့ ။ကိုယ့်မို့လို့ သည်းခံတာ ၊ ကိုယ့်မို့လို့ သဘောကောင်းပေးတာဖြစ်တယ် ။ ဒါဟာ တချို့လူတွေအတွက်သူ့ဆီက ဘယ်တောမှ မရနိုင်မဲ့ အရာလည်းဖြစ်နိုင်သလို . သူဟာ သူ့နေရာ သူ့နယ်ပယ်မှာ သူများတွေမော်မကြည်ရဲလောက်အောင် ကြောက်ရသူလည်း ဖြစ်နိုင်တယ် ။ကိုယ့်ကို ဆက်ဆံတဲ့ သူ့ပုံစံဟာ ကိုယ့်အပေါ်ထားတဲ့ သူ့ရဲ့ မေတ္တာအတိုင်းတာနဲ့ပဲ ဆိုင်တယ် ။ လူတိုင်းက စျေးမပေါ ပါဘူး ။အလကားရတဲ့ မေတ္တာကလည်း လက်ခံသူ အသုံးမကျရင် ကုန်ခမ်း တတ်ပါတယ်။
-
ကကုသန္ဓော ကောဏဂမနော ကဿပေါ ဂေါတမော မုနိဆယ်ထား ဆယ်တော်မူမြတ်စွာဘုရား မေတ္တယျော ပဉ္စဗုဒ္ဓေါတေ သိသေမေသန္တ သဗ္ဗဒါ ဧတေသံ အာနုဘာဝေန ရက္ခဒေဝါ မဟိဒ္ဓ...
-
You can add static route or persistent route on both OS. 1. On Windows (Static Route) # Route add 172.16.1.0 mask 255.255.255.0 192.168.10....
